Albisteak

"Nevadako egunak" aurkeztu du Bernardo Atxagak Eslovenian

2017-03-16  ¦  Argitalpenak

Joan zen astean aurkeztu zen Nevadako egunak eleberriaren Esloveniako edizioa, Dnevi Nevade. Ljubljanan izan zen aurkezpen jendetsua, Atxagaren parte-hartzearekin.

 

"Declaración de Guillermo", Atxagaren ipuinarekin antzezlana sortu du Jose Cruz Gurrutxagak

2017-02-22  ¦  Antzerkia

Jose Cruz Gurrutxaga aktoreak "Declaración de Guillermo" ipuina hartu eta antzerkirako moldatu du. 1960ko hamarkadan Andaluziatik Euskal Herrira etorritako bi langileren historia kontatzen du Atxagak idatzitako ipuinak.

 

"Lu eta Le" lana Bilboko Arriaga antzokian urtarrilaren 30ean

2017-01-25  ¦  Antzerkia

Bernardo Atxagak idatzitako "Lu eta Le" lana Bilboko Arriaga antzokian ikusi ahal izango da datorren urtarrilaren 30ean. Lan honekin Xabier Lete eta Lourdes Iriondoren munduari begiratu nahi izan dio Atxagak.

 

"Korrespondentziak", Bernardo Atxaga eta Bashkim Shehu idazleen arteko eskutitz-trukea

2016-12-01  ¦  Argitalpenak

Donostia 2016 egitasmoak bultzaturik, Europako hainbat idazleren arteko eskutitz-trukea izan da azken hilabeteotan. Orain, eskutitz horiek liburu gisa argitaratuko dira, tartean Bernardo Atxagak eta Bashkim Shehu idazle albaniarrak elkarri bidali dizkieten eskutitzek osatutakoa. Ereinek argitaratu du, Korrespondentziak izenburupean.

 

"Erlea" aldizkariaren 10. alea argitaratu da

2016-11-28  ¦  Argitalpenak

Bernardo Atxagak zuzentzen duen eta Euskaltzaindiak argitaratzen duen Erlea aldizkaria 10. zenbakira iritsi da. Oraingo honetan antzerkia du gai nagusi.

 

"Harriaren hiztegia" diskoa argitaratu dute Atxagak eta Muguruzak

2016-11-25  ¦  Argitalpenak

Atxagaren hitzekin eta Muguruzaren musikarekin, bederatzi abestiko lana osatu dute. Haur eta gaztetxoentzako musika da, Mara-mara diskoetxeak ekoitzita.

 

"Lu eta Le" antzezlana, Xabier Lete eta Lourdes Iriondoren munduari zuzendutako begirada

2016-11-22  ¦  Antzerkia

Donostia 2016k eta Ados Teatroak Lu eta Le obra aurkeztu berri dute. Antzezlana abenduaren 4an estreinatuko da Donostiako Victoria Eugenia Antzokian. Bernardo Atxaga da obraren egilea. Ikuskizuna Garbi Losadak zuzenduko du eta musika, berriz, Juan Carlos Perez konpositorearena da. Xabier Lete eta Lourdes Iriondoren munduari zuzendutako begirada bat da lana.

 

"Obaba" munduko leku literariotzat kanonizatua

2016-09-08  ¦  Argitalpenak

Literaturaren historian sortu diren unibertso literario garrantzitsuenak bildu dituzte Literary Wonderlands liburuan (Black Dog & Leventhal Publishers). Eta literaturak eskaini dizkigun mundu zoragarrienen artean, hortxe sartu dute Obaba.

 

Galdutako tangoa, kalean

2016-08-30  ¦  Argitalpenak

Jorge Luis Borgesen idazlan inedito bat argitaratu berri du Lumen argitaletxeak, "El tango: cuatro conferencias" (Lumen, 2016). Bertan, idazle argentinarrak 1965ean emandako lau hitzaldi biltzen dira, laurak ere tangoaren ingurukoak. Hainbat urtez ezkutuan egon ondoren, 2002an hitzaldien grabazioak jaso zituen Bernardo Atxagak lagun baten eskutik. Oraingoan liburu bihurtuta kaleratu dira Borgesen hitzok.

Galdutako tangoa, kalean
 

"Séjour au Nevada" liburuak ("Nevadako egunak") oso harrera ona Frantzian

2016-06-21  ¦  Argitalpenak

Nevadako egunak liburuaren frantsesezko itzulpena maiatzean argitaratu zen. Oso harrera ona ari da izaten bertako irakurle eta kritikarien artean.

 

Albiste zaharragoak »